我出身自一所普通的中文中學, 2003年入咗大學.
喺大學時候, 因為比較有時間, 我開始看一d教人搵錢的書, 例如窮爸爸, 富爸爸, 巴菲特的書, 彼德林奇的, 科斯托蘭尼的書,
看完後, 我就知道, 要步入財務自由, 一定要靠兩種工具-房地產及股票.
我喺大學時代就開始打工搵錢, 我家境吾好, 我知道呢d種子金錢喺改善我將來的工具, 我全部草起晒佢,
2004,2005年左右, 當時a股市場喺熊市, 約900多點, 我用儲蓄買咗人生第一隻股票, 2823.
當時, 市場處在牛市, 我投入的錢極快地增長, 我不斷用我的現金流購入股票, 2823, 2600, 857, 939, 都喺當時的最愛,
我家境在2004年隨經濟改善而變得更好, 我老媽手頭鬆咗, 我問老媽再借多十萬入市,
去到港股直通車時, 我的身家爆漲至50萬!! 2007年, 我開始出社會工作了.
當時以為自己是股神, 喺股市最高峰時, 我比貪婪控制住頭腦, 此時此刻, 我已經吾記得咗葛拉漢喺邊個, 巴菲特喺邊個,
我淨喺以為a同h股差價會收窄, 港股起碼上到四萬點(賭王話!)
當時各大行狂吹人仔會升值, 話內房股咩折讓大, 土儲年年增加, 我心諗, 實無死la! 我於是信晒大行, 一炮過廿萬買咗內房股, 富力, 世茂, 碧桂園等......
金融海嘯一來, 我的內房股直插谷底, 全部計價吾見咗90%, 好彩我當時50萬吾喺全部入晒內房, 仲有d入咗公用股同埋中人壽..... 個組合得番十幾萬.my god!
幸好, 經濟景氣開始回來, 我當時人工由9k上升至12k, 我每個月一有錢就掃內房, 一直掃掃掃! 上年09年, 我的內房股番身, 升番幾倍, 我在上年呢個時候沽晒d內房股, 我同自己講,
呢個版塊, 一世都吾好掂.
09年中後, 我再投資莎莎, 建行, 平安等好股, 同一年, 我以接近0首期買咗間130萬的屋仔, 而家月供5800, 收租收緊4700....我擁有自己的物業了!
而家薪水上升至約15.5k, 但我每月在扣除家用、還款給家人、保險後, 我每月都會儲5k, 盡量把自己的生活消費減到最低, 名牌我從來吾會買, 我心諗, 80後的我, 苦都未捱過幾年,
喺今日, 我的投資組合以大藍籌為主, 約值110萬, 間屋每個月利息開支喺2.3k, 月入喺4.7k, 產生到正2k左右的現金流入, 而我也選擇和家人繼續同住, 控制開支,
一個牛市會持續約3,4年, 上年喺牛一, 今年喺牛二橫行期, 2011,2012, 會喺牛三,
牛三會大爆發, 手上的2628, 2318, 939等公司, 未來五年升價5-8成, 去到牛三, 應該喺有機會,
等牛三出現, 我會選擇沽貨離場, 預計喺要坐多2,3年先等到牛三, 到時美息會上升緊, 我會選擇全數清還房貸(到時候喺110多萬),
然後用淨下來的金錢, 等熊市完結再入貨,但出入貨時機, 就要看身手了.
用股息及租金的非工資現金流入去支持供樓, 是一個不錯的辦法, 不過, 最好就喺用公用股來配合呢個策略, 先會喺全. |
